Një dyqan është tentuar të vidhet në fshatin Bradashesh të Elbasanit. Ngjarja ka ndodhur pas mesnatës, ndërsa raportohet se autorët kanë qenë dy persona të maskuar.
Ata kanë tentuar të hapin dyqanin, por janë pikasur nga banorët, të cilët kanë njoftuar policinë. Autorët janë shoqëruar në polici, ndërsa u janë sekuestruar sendet që shërbejnë për thyerjen e dyqanit.
Nga verifikimet rezulton se nuk është vjedhur asnjë send në dyqan. Policia po kryen verifikimet për zbardhjen e plotë të ngjarjes./GSH
