Një person është arrestuar në orët e hershme të së premtes në Prishtinë nën dyshimin për kryerjen e veprës penale “Sulm ndaj personit zyrtar”, ka njoftuar Policia e Kosovës në raportin 24-orësh të shtunën.
Gjatë arrestimit i dyshuari – një mashkull kosovar – ka shkaktuar lëndime te dy zyrtarë policorë. Ata kanë pranuar trajtim mjekësor.
Edhe i dyshuari është dërguar në QKUK për tretman për shkak të gjendjes së tij shëndetësore.
Pas marrjes në pyetje dhe konsultimit me prokurorin, ai është liruar në procedurë të rregullt.
