Uniformat blu kanë arrestuar një 34 vjeçar, pasi ka mashtruar një qytetare se do i siguronte një vizë angleze nëse do i jepte 3 mijë euro.
Në pranga ka rënë shtetasi Leonard Allushi, i cili kërkohej nga policia pas denoncimit të 25 vjeçares me datë 21 tetor.
Allushi akuzohet për veprën penale “Mashtrimi” dhe çështja i ka kaluar Prokurorisë për veprime të mëtejshme.
Njoftimi i policisë:
I mori 3000 euro një shtetaseje, duke e mashtruar se do t’i siguronte vizë angleze, kapet dhe vihet në pranga 34-vjeçari.
Sekuestrohen shuma 3000 euro, një automjet dhe një celular.
Specialistët për Hetimin e Krimeve të Komisariatit të Policisë Durrës kanë ndaluar shtetasin L. A., 34 vjeç, banues në Tiranë, i cili ishte shpallur në kërkim, pasi më datë 21.10.2024, ka kallëzuar një shtetase 25 vjeçe se në muajin shtator, 34-vjeçari i ka marrë 3000 euro, duke e mashtruar se do t’i siguronte vizë angleze.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Mashtrimi”.
