Përdhunimi i 11 vjeçares nga pesë burra në Kosovë ka tronditur mbarë opinionin publik.
Kryeministri i vendit, Albin Kurti ka reaguar menjëherë ku përmes deputetes së LVV-së, Tina Kurti, ka njoftuar se nesër në mëngjes do të mblidhet Grupi i Përgjigjes Emergjente.
“Nesër në mëngjes mblidhet Grupi i Përgjigjes Emergjent për rastin e rëndë të dhunimit. Gjithçka duhet të jetë me urgjencë. Nuk ka asgjë më të rëndësishme për institucionet dhe shoqërinë tonë se siguria e vajzave. Mllefin duhet ta kthejmë në drejtësi. Asnjë vajzë më. Asnjë. Bash asnjë. #Asnjëmë”, shkroi ajo në Facebook.
