Një 33-vjeçar, i cili ishte larguar nga banesa mbrëmjen e djeshme, është gjetur i pajetë në rezervuarin e fshatit Kagjinas.
Sipas deklarimeve të policisë, 33-vjeçari, banues në fshatin Borovë, vuante nga probleme të shëndetit mendor.
Nga kqyrja paraprake e trupit të viktimës nuk janë vënë re shenja dhune.
Njoftimi i policisë:
Kolonjë/Informacion paraprak
Mëngjesin e sotëm, në rezervuarin e fshatit Kagjinas, Kolonjë, është gjetur i mbytur, pa shenja dhune, shtetasi E. B., 33 vjeç, banues në fshatin Borovë, Kolonjë.
Nga të dhënat e para dhe deklarimet e marra familjarëve të tij, rezulton se ky shtetas vuante nga probleme të shëndetit mendor dhe ishte larguar nga banesa e tij, mbrëmjen e djeshme.
Grupi hetimor po punon për sqarimin e rrethanave të ngjarjes.
