Një ngjarje e rëndë shënon në Lushnje, ku një 6 vjeçar ka humbur jetën në spitalin e këtij qyteti.
Rasti ka ndodhur një mbrëmje më parë, teksa i mituri, i cili banonte me gjyshërit në fshatin Shën e Premte, u paraqit në qendrën shëndetësore Divjakë për ndihmë mjekësore.
Raportohet se fëmija u shoqërua nga gjyshi në spital, për shkak se prej disa ditësh po kalonte një virozë dhe arriti në gjendje të rëndë në pediatri.
Sipas burimeve nga spitali i Lushnjës, pasi janë bërë analizat dhe mjekimet përkatëse, e duke parë gjendjen kritike të fëmijës, janë marrë masa për ta nisur në kryeqytet.
Sapo është zbritur fëmija për të hipur në ambulancë ka pësuar arrest kardiako- respirator. Fëmija ka mbërritur në spitalin e Lushnjës në orën 14.30 dhe ka ndërruar jetë rreth orës 19:00.
