Një 45 vjeçar në Shkodër ka humbur jetën teksa po drejtonte makinën si pasojë e një arresti kardiak.
Ngjarja e rëndë ka ndodhur rreth orës 20:20, në lagjen “Naim Gjylbegu”, ku shtetasi A.Ç., ka pësuar arrest kardiak dhe për pasojë humbi kontrollin e automjetit të tij, dukë u përplasur kështu me dy makina të tjera të cilat ishin të parkuara.
45 vjeçari humbi jetën në Spitalin Rajonal të Shkodrës, duke mos mbijetuar dot lëndimeve të marra nga aksidenti.
Njoftimi i policisë:
Rreth orës 20:20, në lagjen “Naim Gjylbegu” shtetasi A. Ç., 45 vjeç, duke drejtuar automjetin e tij, dyshohet se ka pësuar arrest kardiak dhe për pasojë ka humbur kontrollin mbi drejtimin e automjetit duke u përplasur me 2 automjete të parkuara.
Shtetasi A. Ç., ka humbur jetën në Spitalin Rajonal Shkodër.
Grupi hetimor po punon për sqarimin e plotë të rrethanave dhe shkakut të këtij rasti.
