Një aksident me pasojë vdekjen e një personi ka ndodhur mbrëmjen e së enjtes në Tiranë, pranë “stacionit të Trenit”.
Burimet zyrtare konfirmojnë se një automjet tip “Audi” ka përplasur për vdekje një 73-vjeçar që po udhëtonte me motor dhe më pas është larguar nga vendi i ngjarjes.
Ndërkohë, Policia po punon për identifikimin dhe kapjen e tij, kurse grupi hetimor por heton për të mësuar rrethanat e plota të kësaj ngjarje.
Njoftimi i policisë:
Më datë 28.04.2022, rreth orës 20:10, te Stacioni i Trenit, një mjet tip “Audi” me drejtues ende të paidentifikuar, ka përplasur motomjetin me drejtues shtetasin L. K., 73 vjeç, i cili si pasojë e aksidentit është dëmtuar dhe ka ndërruar jetë në spital.
Drejtuesi i mjetit është larguar nga vendi i ngjarjes.
Grupi hetimor po punon për identifikimin e drejtuesit të mjetit dhe sqarimin e rrethanave të ngjarjes.
