Ekspertët thanë se vendosja e taksës te Rruga e Kombit do kishte efekt psikologjik dhe kjo duket se po ndodh realisht.
Në të njëjtën periudhë në vitin e kaluar, në Morinë duheshin orë të kaloje nga Kosova në drejtim të Shqipërisë. Çështja e taksës në Rrugën e Kombit duket se nuk ka kaluar pa ndikuar tek shtetasit e Kosovës dhe pse shumë automjete kaluan doganën për fundjavë në drejtim të bregdetit shqiptar.
Ata që kanë jetuar larg Shqipërisë e Kosovës, apo edhe udhëtojnë në shtete të ndryshme tregojnë se kudo kanë paguar më pak.
“Në Maqedoni, prej Shkupit e deri në Selanik e ke diku 280 kilometra autostradën dhe paguan 1 euro e 90 cent”.
Sigurisht ka shumë shtetas të Kosovës që mendojnë se taksë duhet paguar, por ajo që është vendosur në Rrugën e Kombit është shumë e lartë. “Taksa duhet me u paguar ama duhet gjetur limiti i përbashkët mos me u dëmtuar asnjëri ”
E megjithatë, Shqipëria do jetë vendi i tyre amë dhe nuk do të ndalen për të kaluar pushimet e fundjavat.
