Mëngjesin e sotëm efektivi i FNSH-së, Nikol Lekndreaj, është gjetur i pajetë në një kanal në Shkodër. Uniformat blu kanë dhënë detajet e para për ngjarjen e rëndë, lidhur me shkakun dhe si është bërë gjetja e trupit të tij.
Sipas bluve ngjarja ka ndodhur rreth orës 02:50 në fshatin Bardhaj të Shkodrës, kur efektivi ka humbur kontrollin mbi motomjetin e tij si pasojë e motit të keq, duke përfunduar kështu në kanalin me ujë.
Rrjedha e ujit e mori me vete efektivin, duke vështirësuar kështu gjetjen e tij të menjëhershme.
Ai është gjetur në kanal që të çon në lumin Kir.
Trupi i tij i pajetë u gjet orët e para të mëngjesit.
NJOFTIM
Shkodër/Informacion paraprak
Rreth orës 02:50, në fshatin Bardhaj, shtetasi N. L., 51 vjeç, (punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit), duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë.
Shtetasin N. L. e ka marrë rrjedha e ujit dhe për pasojë ka humbur jetën.
Shërbimet e Policisë, përgjatë orëve të mëngjesit, gjatë kontrollit të kanalit që të çon në lumin Kir, kanë bërë të mundur gjetjen e trupit të pajetë të 51-vjeçarit.
Grupi hetimor vijon punën për sqarimin e rrethanave dhe dokumentimin ligjor të këtij rasti.
