Një aksident ka ndodhur mëngjesin e sotëm tek ura e Shkozës, ku efektivi i Shqiponjave ka humbur drejtimin e mjetit dhe ka përfunduar në Lanë.
Polici me iniciale A. Sh., dhe pasagjeri në mjet janë dërguar në spital, për ndihmë mjekësore.
Njoftimi i policisë:
Tiranë/Informacion paraprak
Rreth orës 06:15, te ura e Shkozës, punonjësi i policisë i Sektorit të Forcës së Posaçme “Shqiponja”, A. Sh., duke drejtuar automjetin e shërbimit, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga, duke rënë në lumin Lana.
Drejtuesi i automjetit dhe pasagjeri janë dërguar në spital, për ndihmë mjekësore.
Po punohet për sqarimin e rrethanave të aksidentit.
