Më 10 gusht 1988, poeti dhe disidenti Havzi Nela u ekzekutua me varje në Kukës, në një nga aktet e fundit të dënimit me vdekje të regjimit komunist shqiptar.
Nela ishte dënuar me vdekje nga regjimi për qëndrimin e tij kundër diktaturës. Për vite me radhë ai kishte vuajtur burgime dhe internime, ndërsa poezitë dhe shkrimet e tij shprehnin hapur kundërshtimin ndaj sistemit komunist.
Një fakt që ka ngjallur diskutime edhe pas rënies së komunizmit është përbërja e trupit që firmosi vendimin për ekzekutimin e tij. Ndër firmëtarët e vendimit ishte edhe Kristaq Rama, babai i Edi Ramës, i cili në atë periudhë ishte skulptor dhe funksionar i rëndësishëm në institucionet shtetërore të artit. Ajo që e bën të dhimbshme këtë vrasje është mungesa e një kërkimi falje nga Kristaq Rama vetë, por edhe i biri, aktualisht kryeministër i Shqipërisë prej 13 vitesh.
Ekzekutimi i Havzi Nelës mbetet një nga episodet më të rënda të represionit politik të regjimit komunist. Sot, ai kujtohet si një simbol i qëndresës ndaj diktaturës dhe i pasojave që
