Një aksident i rëndë është shënuar në Itali, nga një i ri me origjinë shqiptare, i moshës 24 vjeç, i cili ndodhej në gjendje të dehur . Për pasojë, ndërroi jetë partnerja e tij, Mariagrazia Bedin, 24 vjeç, me origjinë Sabaudia.
Mediat italiane raportojnë se foshnja 6 muajsh që ndodhej në mjet me çiftin ka mbetur e lënduar, ndërsa dy fëmijët më të mëdhenj ndodheshin me gjyshërit e tyre, të cilët ishin me makinë, pas mjetit të 24-vjeçarit të identifikuar si Ali Hoxha.
Në rrugën Sant’Anastasia, papritur Hoxha ka humbur kontrollin dhe makina ka dalë nga rruga, duke u përmbysur. Menjëherë kanë ndërhyrë ambulancat e 118, të cilët kanë mbërritur në vendngjarje së bashku me zjarrfikësit për nxjerrjen e të plagosurve nga mjeti.
Për fat të keq, megjithatë, për nënën e re nuk kishte mbetur asgjë për t’u bërë. Ndërsa fëmija e tyre dhe po ashtu motra e viktimës që ishte në mjet me ta ndodhet në spital.
Në spital përfundoi edhe 24-vjeçari, i cili iu nënshtrua, si zakonisht, testeve toksikologjike dhe alkomateriale, ndaj të cilave doli pozitiv.
I riu u shoqërua nga efektivët e policisë rrugore të Formisë për në shtëpinë e tij dhe iu nënshtrua arrestit shtëpiak.
