Policia e Tiranës ka dhënë informacion zyrtar për plagosjen e 51-vjeçarit Agim Ali Jazaj, në kryeqytet.
Blutë bëjnë me dije se i plagosuri, 51-vjecari Agim Jazaj, ndodhet në spital jashtë rrezikut për jetën, ndërsa është identifikuar edhe autori i dyshuar, shtetasi me iniciale Sajmir Xhafa, i cili është shpallur në kërkim.
Njoftimi:
Më datë 01.01.2024, në afërsi të xhamisë “Xhura”, dyshohet se shtetasi S. Xh., ka plagosur me armë zjarri shtetasin A. J., rreth 51 vjeç, i cili ndodhet në spital, nën kujdesin e mjekëve.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit.
Grupi hetimor po punon për sqarimin e plotë të rrethanave të ngjarjes.
