Një aksident rrugor është shënuar mbrëmjen e së shtunës, rreth orës 23:50, në rrugën “Studenti”, pranë barit “Ali Pasha” në Sarandë.
Sipas të dhënave zyrtare, 22-vjeçari Klauid Hadëri, i cili po drejtonte një motor, është përplasur me një automjet tip “Smart”, që drejtohej nga 20-vjeçari Orlando Koshi.
Përplasja ka qenë e fortë dhe ka sjellë dëmtime në kokë për motoristin Hadëri, i cili është transportuar menjëherë në urgjencën e spitalit rajonal. Fatmirësisht, ndodhet jashtë rrezikut për jetën.
Shërbimet e qarkullimit rrugor kanë kryer menjëherë verifikimet, përfshirë edhe testin e alkoolit për të dy drejtuesit, të cilët rezultuan negativë (0.00 mg/l).
Grupi hetimor po vijon punën për zbardhjen e plotë të rrethanave të aksidentit.
