Një aksident i rëndë është shënuar në Itali mbrëmjen e djeshme, ku një 17-vjeçar shqiptar ka ndërruar jetë pas një aksidenti me motorr.
Sipas mediave italiane, mësohet se viktimë ka mbetur Alen Karaboja me origjinë shqiptare, por i lindur në Valcamonica.
Raportohet se i riu shqiptar ndërroi jetë pasi u përplas me një mur në Bienno, të Valcamonica, teksa drejtonte motoçikletën.
Në të njëjtën motoçikletë me të si pasagjer ishte edhe një shok i tij me origjinë marokene, i cili mbeti i plagosur.
Sipas hetimeve të kryera nga policia, shqiptari kishte qenë në një festë ditëlindjeje me miqtë e tij, para se të ndodhte aksidenti.
Ai u transportua me ambulancë ajrore në spitalin Civil në Brescia, por nuk ia doli që të mbijetojë.
Në rrjetet sociale ka pasur shumë mesazhe ngushëllimi nga ata që e kanë njohur 17-vjeçarin, mes tyre dhe një mesazh nga i vëllai i Alen, Enio, i cili ka publikuar një foto kur kanë qenë fëmijë.
“Do te dua gjithmone vellai im, ti je gjysma ime tjeter dhe gjithmone me ke mbushur zemren me gezim” – shkruan vellai i tij Enio në rrjetet sociale – “cdo dite do te shikoj qiellin dhe do te pershendes si gjithmone. Do me mungosh, me shiko dhe me mbro nga lart, te dua”, ka shkruar ai.
