Detaje të reja janë zbuluar nga vdekja e 28-vjeçares Irida Hasalla pas një operacioni në një spital privat në Tiranë.
U mësua se reja u nënshtrua operacionit Liposuction, ose heqja e dhjamit.
Ndërsa bëhet me dija se e reja vuante nga kanceri, dhe nuk mundi që ta përballojë me sukses operacionin.
Ndërsa familjarët kanë hedhur akuza për mjekim të gabuar.
Njoftimi i policisë:
Tiranë
Ditën e djeshme, më datë 30.01.2024, është marrë njoftim se në një spital privat, pas një operacioni, ka ndërruar jetë shtetasja I. H., 28 vjeçe, banuese në Tiranë.
Pas marrjes së njoftimit, në drejtimin e Prokurorisë, është ngritur grupi hetimor dhe janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion.
Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
