Edison Bregaj, mësohet se është shoferi i cili drejtonte automjetin tip “Benz” i cili përfshi një aksident tragjik orët e para të mëngjesit të sotëm, dukë lënë pas 8 viktima.
Bregaj kishte automjetin e marrë me qira, edhe 7 emigrantë të paligjshëm, ku prej shpejtësisë së lartë përfundoi buzë lumit Vjosë në fshatin Kuqar në Këlcyrë.
Sipas policisë, mjeti u pikas nga një patrullë policie, e cila i ka bërë thirrje të ndalojë, por shoferi ka refuzuar t’i bindet urdhrit të tyre, dhe ka ndërruar drejtim duke shtuar shpejtësinë.
Efektivët i janë vendosur në ndjekje, por më pas u ka humbur. Pas kontrolleve në zonë, u verifikua rreth orës 04:00 se ‘Benz’-i kishte përfunduar në shtratin e lumit Vjosë.
Drejtuesi i mjetit raportohet se ka qenë duke udhëtuar me mbi 200 km/orë, duke bërë që të humbiste kontrollin dhe të “fluturonte” rreth 300 metër në vijë ajrore nga rruga drejt lumit.
Shpejtësia e lartë e mjetit konfirmohet edhe nga fakti se para momentit fatal ‘Benz’-i që drejtohej nga një Edison Brengaj, nuk është përplasur fare me bordurën metalike të rrugës, por ka përfunduar në shtratin e lumit.
Sa i përket shtatë emigrantëve, ende nuk ka informacion për identitetin e tyre.
