Është identifikuar i riu i cili ka mbetur i plagosur si pasojë e një atentati me armë zjarri mbrëmjen e sotme në qytetin e Vlorës.
Mësohet se i plagosur ka mbetur 35-vjeçari Romeo Meçaj. Në momentin e ngjarjes, ai ka qenë në makinën e tij në një shesh parkim në zonën e “Skelës”.
Persona ende të paidentifikuar i janë afruar dhe e kanë qëlluar me breshëri plumbash. I riu është dërguar menjëherë në spitalin e Vlorës.
Policia ndodhet në vendngjarje dhe po punon për identifikimin dhe kapjen e autorëve të dyshuar.
