Ditën e sotme u arrestua një 55 vjeçar në Poliçan, i cili ishte dënuar në 2017 për prodhim dhe shitje të lëndëve narkotike, por në fakt i arrestuari është vëllai i kryetarit të Bashkisë së Poliçanit, Adriatik Zotkaj.
Në pranga ra Artur Zotkaj, 55 vjeç, po banues në Poliçan.
Në 13 mars 2017 ka qenë Gjykata e Beratit ajo që ka dënuar 55 vjeçari me 1 vit e 4 muaj burg, për veprën penale “Prodhimi dhe shitja e narkotikëve”.
Në shtatorin e vitit 2015, prej operacionit policor të koduar “Pronoviku”, në banesën e tij iu gjendën dhe iu sekuestruan 9 kilogramë cannabis sativa.
LEXO EDHE:
I dënuar për prodhim dhe shitje të lëndëve narkotike, në pranga 55 vjeçari
Njoftimi i policisë:
Specialistët për Hetimin e Narkotikëve, ndaluan shtetasin A. Z., 55 vjeç, banues në Poliçan.
Gjykata e Beratit, me vendimin e datës 13.03.2017, e ka dënuar këtë shtetas, me 1 vit e 4 muaj burgim, për veprën penale “Prodhimi dhe shitja e narkotikëve”, pasi në muajin shtator 2015, gjatë operacionit “Pronoviku”, në banesën e këtij shtetasi janë gjetur dhe sekuestruar 9 kilogramë cannabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
