Një 40 vjeçar është arrestuar nga uniformat blu ditën e sotme pasi lëvizte në Tiranë i armatosur si dhe i pajisur me lëndë narkotike.
Në pranga ka rënë shtetasi Hasan Qazimi, banues në Tiranë, për të cilin Policia kishte informacion se ndodhej i armatosur në rrugën “Halit Bega”.
Përgjatë kontrollit fizik, Qazimit iu gjetën e iu sekuestruan një armë zjarri pistoletë me krëhër e municion luftarak dhe sasi lënde të dyshuar narkotike kokainë, të cilat do shërbejnë nën cilësinë e provës materiale.
Sakaq, materialet i kaluan Prokurorisë së Tiranës për veprime të mëtejshme.
Njoftimi i Policisë së Shtetit:
Tiranë
Lëvizte i armatosur dhe me lëndë narkotike, falë inteligjencës policore lokalizohet dhe arrestohet në flagrancë 40-vjeçari.
Finalizohet operacioni policor i koduar “Klienti” nga Sektori për Hetimin e Narkotikëve në DVP Tiranë.
Sekuestrohen një armë zjarri pistoletë me krëhër e municion luftarak dhe sasi lënde e dyshuar narkotike kokainë.
Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”.
Gjatë operacionit u arrestua në flagrancë shtetasi H. Q. (G)., 40 vjeç, banues në Tiranë.
Në rrugën “Halit Bega”, shërbimet e Policisë kanë lokalizuar shtetasin H. Q. (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë.
Materialet i kaluan Prokurorisë.
