Suedia nuk ka prezantuar masa të rrepta në distancë sociale. Në vend të kësaj, ajo mbështetet në besimin tek qytetarët e saj dhe të moshuarit këshillohen që të mos dalin dhe të shmangin kontaktin me njerëzit e tjerë, ndërsa të tjerët këshillohen të punojnë nga shtëpia, të lajnë duart rregullisht dhe të shmangin udhëtimet e panevojshme. Kufijtë dhe shkollat mbetën të hapura, siç ishin shumë biznese, restorante dhe kafene.
Kjo qasje ka marrë mjaft kritika. Midis kritikëve javën e kaluar ishin 22 shkencëtarë që raportuan në gazetën Dagens Nyheter, se autoritetet shëndetësore suedeze kishin dështuar dhe u bënë thirrje politikanëve të marrin masa më të rrepta menjëherë.
Ata paralajmëruan për një numër të madh vdekjesh në shtëpi pleqsh. Burri që qëndron pas modelit suedez është Anders Tegnell, një epidemiolog në Agjencinë suedeze të Shëndetit Publik. Ai shpjegoi për revistën Nature pse zgjodhi këtë qasje.
“Unë mendoj se publiciteti i mjaftueshëm ka theksuar se sa unike është qasja jonë. Ashtu si në vendet e tjera, qëllimi ynë është të rrafshojmë kurbën dhe të ngadalësojmë përhapjen e virusit sa më shumë që të jetë e mundur, përndryshe sistemi ynë shëndetësor dhe e gjithë shoqëria jonë do të kërcënohet”, u shpreh Tegnell.
“Karantina mund të konsiderohet për njerëz ose hapësira të vogla, të tilla si një shkollë ose hotel. Por ligjërisht nuk mund të karantinojmë një zonë gjeografike”, shpjegon Tegnell.
“Sipas mendimit tim, mbyllja e kufijve dhe qyteteve, asnjë prej tyre nuk ka një bazë shkencore historike. Mbyllja e kufijve, për mendimin tim, është qesharake, sepse COVID-19 tani ekziston në çdo vend evropian. Ne jemi më të shqetësuar për përhapjen e saj brenda Suedisë”, u shpreh Tegnell.
