Trajneri i Milanit, Stefano Pioli do të bëjë ndryshime në formacionin e tij fillestar për t’u përballur me Cremonese në krahasim me skuadrën që mundi Spezian.
Sipas edicionit të sotëm të mëngjesit të La Gazzetta dello Sport, në portë do të jetë Ciprian Tatarusanu me mbrojtësin e djathtë Pierre Kalulu, Simon Kjaer dhe Fikayo Tomori si qendërmbrojtës dhe Fode Ballo-Toure në të majtë, duke qenë se Theo Hernandez është pezulluar pas kartonave të verdhë, përcjell ORAinfo.
Pivoti i dyfishtë duhet të jetë Ismael Bennacer dhe Sandro Tonali, me Brahim Diaz në krye si mesfushor sulmues qendror.
Junior Messias pritet të startojë në të djathtë, me Ante Rebic në të majtë dhe Divock Origi qendërsulmues duke qenë se Olivier Giroud është i pezulluar.
Formacioni i mundshëm Cremonese (3-4-2-1): Carnesecchi; Aiwu, Bianchetti, Vasquez; Ghiglione, Escalante, Castagneti, Valeri; Zanimacchia, Meité; Okereke.
Formacioni i mundshëm i Milanit (4-2-3-1): Tatarusanu; Kalulu, Kjaer, Tomori, Ballo-Touré; Bennacer, Tonali; Messias, Diaz, Rebic; Origi. /ORAinfo/
