Ambasadori i Bashkimit Evropian në Shqipëri, Luigi Soreca, është shpallur qytetar nderi i bashkisë së Vlorës.
Përmes një postimi në facebook Soreca shpreh falënderimet ndaj kryetarit të bashkisë dhe këshillit bashkiak për këtë vlerësim.
“Faleminderit Këshillit Bashkiak dhe Kryetarit të Bashkisë Vlorë Dritan Leli për të qenë partnerë të tillë të vërtetë në përpjekjet tona të përbashkëta për të sjellë Shqipërinë më afër me Bashkimin Evropian. Shumë mirënjohës që u bëra qytetar nderi i këtij qyteti evropian të vërtetë që dëshmon fuqinë transformuese të procesit të integrimit”, shkruan Soreca.