Një viktimë dhe një i plagosur!
Ky është bilanici i aksidentit rrugor të ndodhur orët e para të mëngjesit të së martës në autostradën Fushë Krujë–Thumanë.
I plagosuri u dërgua me urgjencë drejt Spitalit të Traumës në kryeqytet, ku ndodhet në gjendje të rëndë.
Shkak për aksidentin dyshohet se u bë shpejtësia e lartë, por nuk përjashtohet as mundësia që shoferin ta ketë zënë gjumi.
NJOFTIMI ZYRTAR
Në orët e para të mëngjesit, në autostradën Fushë Krujë-Thumanë, një automjet me drejtues shtetasin J. K., 34 vjeç, ka humbur kontrollin mbi drejtimin e automjetit dhe për pasojë automjeti është përplasur me trafikndarësen.
Nga përplasja e automjetit me trafikndarësen ka humbur jetën pasagjeri, shtetasi L. D, rreth 50 vjeç.
Grupi hetimor vijon punën për sqarimin e rrethanave të aksidentit.
© SYRI.net
