Banorët që preken nga projekti TID i janë rikthyer protestave në qytetit e Durrësit.
Paraditen e sotme, ata kanë dalë përpara sheshit qendror, duke kërkuar pezullimin e këtij projekti që e cilësojnë korruptiv.
Sipas tyre, qëllimi i vërtetë është i kullave në zonë, ndërsa akuza janë ngritur edhe ndaj kryetares së bashkisë, Emiriana Sako, lidhur me mënyrën e menaxhimit dhe transparencën e projektit.
Banorët kanë bërë të ditur se hapat e tyre të radhës përfshijnë kërkesën për ngritjen e një Komisioni Hetimor në Këshillin Bashkiak, krijimin e një Forumi Këshillimor Vendor, si dhe firmosjen publike të një dokumenti drejtuar Albanian-American Development Foundation (AADF).
Ndërkohë, më herët, familjet e prekura i janë drejtuar institucioneve të drejtësisë, duke kërkuar pezullimin e zbatimit të projektit TID, në pritje të një rishikimi të plotë të tij dhe të ndikimit që ka mbi zonën historike dhe banorët aktualë.
