E gjithë Maqedonia do të jetë nën një valë të të nxehtit të egër të shtunën. Meteorologët parashikojnë mot me diell dhe jashtëzakonisht të ngrohtë.
Sipas Administratës Hidrometeorologjike, temperaturat minimale do të variojnë nga 12 deri në 20 gradë, ndërsa maksimalet ditore do të arrijnë nga 33 deri në 40 gradë. Një rrethanë fatlume është se do të fryjë erë e dobët deri në mesatare nga veriu, e cila herë pas here do të forcohet në rajonin e Povardarit dhe do të arrijë shpejtësi deri në 40 km/orë.
Në pasdite, kryesisht në veri të vendit, pritet paqëndrueshmëri, e shoqëruar me shira të rrëmbyeshëm dhe bubullima afatshkurtra, thotë parashikimi i motit.
Për shkak të temperaturave të larta dhe alarmit portokalli të aktivizuar për motin, qytetarëve u rekomandohet të respektojnë masat e përgjithshme të mbrojtjes nga vala e të nxehtit, të shmangin ekspozimin direkt në diell gjatë pjesës më të nxehtë të ditës dhe të pinë shumë lëngje.
The post Fundjava sjell temperatura të larta në vend appeared first on Alsat.
