Një ngjarje e rëndë është regjistruar ditën e sotme në Fier, ku një 28-vjeçar është gjetur pa shenja jete.
I riu, me inicialet N. Ll., është zbuluar nga familjarët në oborrin e banesës së tij në fshatin Cakran, ku dyshohet se ka kryer vetëvrasje, duke u vetëvarur.
Sipas informacioneve paraprake të policisë, ngjarja ka ndodhur rreth orës 14:00. Menjëherë pas gjetjes së trupit, në vendngjarje ka mbërritur grupi hetimor, i cili po punon për të zbardhur të gjitha rrethanat e kësaj tragjedie.
Nuk dihen ende shkaqet që mund ta kenë çuar të riun drejt një akti kaq ekstrem.
Njoftimi i policisë:
Fier/Informacion paraprak
Rreth orës 14:00, në fshatin Cakran, është gjetur nga familjarët, pa shenja jete, në oborrin e banesës së tij, shtetasi N. Ll., 28 vjeç, i cili dyshohet se është vetëvarur.
Grupi hetimor po punon për sqarimin e plotë të rrethanave të rastit.
