Drejtori i Zyrës për Kosovë e Metohi, Marko Gjuriq, ka thënë se Hashim Thaçi është duke kërcënuar në mënyrë direkte me armë dhe në këtë mënyrë po ndjell luftë, konflikte dhe urrejtje
Gjuriq ka thënë se Thaçi as nuk po e fsheh më se qellim kryesor i veprimit të tij politik, si më herët, si tani, është krijimi i Shqipërisë së Madhe.
“Veprimi i tij destruktiv përbën rrezik për tërë rajonin, por edhe për Evropën”, ka thënë ai.
Gjuriq, në këtë mënyrë, ka reaguar ndaj deklaratës së Presidentit të Kosovës Hashim Thaçi, i cili ka thënë se Kosova kërcënimeve të Serbisë u përgjigjet, si 19 vjet më parë, me pushkë.
