Gjykata Themelore në Prishtinë – Departamenti Special ka caktuar seancën e shqyrtimit gjyqësor ndaj të akuzuarit Muharrem Ibraj, i cili po akuzohet për veprën penale krime të luftës kundër popullsisë civile.
Sipas njoftimit të gjykatës, çështja penale është regjistruar me numër PS.nr.17/2025, ndërsa aktakuza është ngritur nga Prokuroria Speciale e Republikës së Kosovës më 19 mars 2025, në kuadër të lëndës PPS.nr.32/2010.
Gjykata ka bërë të ditur se seanca do të mbahet më 28 shtator 2026, në ora 09:30, në sallën D17 të Pallatit të Drejtësisë në Hajvali. Seanca do të udhëhiqet nga kryetarja e trupit gjykues, Violeta Namani Hajra.
Përmes njoftimit, gjykata i ka bërë thirrje Muharrem Ibrajt që të paraqitet dhe të dorëzohet para organeve të ndjekjes së Republikës së Kosovës, në mënyrë që procesi gjyqësor të zhvillohet në praninë e tij.
Po ashtu, gjykata ka kërkuar nga të gjithë personat që kanë informacione lidhur me vendndodhjen e Ibrajt që t’ua përcjellin ato Policisë së Kosovës ose organeve të tjera kompetente.
Njoftimi i plotë:
