Dënohen me 107 vite burg, grupi i grabitësve të bilndave me para në Rinas. Gjykata e Krimeve të Rënda ka dhënë vendimin për 8 personat që kanë grabitur miliona euro te një bankë e nivelit të dytë te Stacioni i Trenit dhe dy grabitjet e tjerat në rrugën e Rinasit në vitin 2015. Admir Muratajt është i pandehuri kryesor dhe organizator i të tre episodeve kriminale, por që ende nuk është arrestuar. Në total i gjithë grupi u dënua me 107 vite burg, por për shkak të gjykimit të shkurtuar, ata përfituan ulje.
Dënimet që ka dhënë Gjykata e Krimeve të Rënda pas gjykimit të shkurtuar:
Dash Kupa 18 vite
Ernest Kupa 17.4
Neim Avdylaj 17.4
Ditjon Memlikaj 8.6
Admir Çerpja 5.8
Fatjon Xhyliu 14
Dritan Sinani 13.4
Aleksandër Murataj 12.8
Grabitjet
- Më datë 12.02.2015 kur ishte vjedhur dega e Bankes … ku sasia e parave të vjedhura ishte në masën 900 000 Franga Zvicerane, 800 000 Paund Britanik dhe 16.100 Euro, e paketuar në katër qese, vjedhje e ndodhur në zonën e Stacionit të Trenit Tiranë nga persona të armatosur;
- më datë 03.12.2015 kur ishte vjedhja Banka …. sasia e parave prej 1 800 000 Paund Britanik, 800 000 Dollarë Amerikanë, 200 000 Dollarë Kanadezë dhe 200 000 Dollarë Australianë, vjedhje e ndodhur në kohën kur paratë transportoheshin me mjete të blinduara në drejtim të Rinasit, poshtë Qafë Kasharit, Tiranë nga persona të armatosur.
- më datë 09.02.2017 kur ishte vjedhur Banka … ku sasia e parave të vjedhura ishte në masën 2 400 000 (dy milion e katërqind mijë) Euro, 200 000 Dollarë Amerikanë, 260 000 Paund Britanik, 85 000 Franga Zviceranë, 30 000 Dollarë Australianë dhe 30 000 Dollarë Kanadezë, e paketuar në tetë thasë, vjedhje e ndodhur kur paratë po transportoheshin gjatë rrugës për në Rinas në vendin pranë fshatit Domje, Tiranë nga persona të armatosur.
