Një grabitje e armatosur ka ndodhur sonte në Fushë-Kosovë.
Sipa zëdhënëses së Policisë, Florie Ahmeti-Haziraj, Policia rreth orës 18:00 ka pranuar informatën për një grabitje të armatosur në Fushë-Kosovë.
Cak i grabitjes së armatosur ishte një institucion mikro financiar.
“Menjëherë në vendin e ngjarjes kanë dalë të gjitha njësitet e nevojshme policore, të cilët po merren me rastin”, ka thënë zëdhënësja Florie Ahmeti-Haziraj.
Kohëve të fundit janë shpeshtuar grabitjet e armatosura në institucione bankare.
Tre ditë më parë, gjatë një tentimi për grabitje të armatosur të një filiali të bankës NLB në Istog nga plumbat e grabitësit u vra polici Izet Demaj, ndërsa nga kolegët e Demajt u vra hajduti Kamer Metaj.