Kandidati për kryeministër nga koalicioni PDK-AA-Nisma, Ramush Haradinaj , ka takuar sot ambasadoren e Republikës së Kroacisë në Kosovë, Marija Kapitanoviq.
Haradinaj tha se gjatë takimit u bisedua për procesin e zgjedhjeve dhe nevojën e krijimit të institucioneve të reja, transmeton infokusi.com
Postimin e plotë të Haradinajt bërë ne rrjetin social “facebook” mund ta gjeni më poshtë:
“Sot takova ambasadoren e Republikës së Kroacisë në Kosovë, Marija Kapitanoviq, me të cilën bashkëbiseduam për procesin e zgjedhjeve dhe nevojën e krijimit të institucioneve të reja.
Falënderova ambasadoren kroate për mbështetjen që shteti kroat vazhdon t’i japë Kosovës në procesin e integrimeve evro-atlantike si dhe përkushtimin tonë të përbashkët që marrëdhëniet tona të thellohen edhe më shumë në të gjitha fushat.”/INFOKUSI
