Ramush Haradinaj, duke folur në emisionin “Opinion” në TV Klan, tha se ka ambicie për kryeministër të Kosovës.
“Dua të marr përgjegjësi të drejtoj vendin”, tha ai.
Lideri i AAK akuzoi qeverinë “Mustafa” se ka punuar në dëm të Kosovës dhe se ishte ngjarje e mirë që kjo qeveri u rrëzua.
Sipas tij, demarkacioni dhe Asociacioni janë gabimet kryesore të Mustafës.
Ndërsa, gazetari Fevziu i kujton se qeverinë e drejton partia e parë që fiton zgjedhjet, kurse ai tha se VV dhe PDK nuk janë para AAK-së me vota.
“S’jemi larg njëra tjetrës. Edhe ne kemi përkrahje gjithnjë në rritje”, u shpreh ai, duke shtuar se ishte i hapur edhe për koalicione.
“Deri tani jemi në koalicion me Nismën, por jemi të hapur edhe për partitë e tjera”, shtoi ai.
Ndërsa pyetjes nëse AAK vazhdon të jetë e fortë në Dukagjin dhe e dobët në Prishtinë, ai tha se “është e vërtetë që AAK po fiton terren edhe në zonat e mëdha urbane të Kosovës…”.
