Gjatë fushatës parazgjedhore, Hillary Clinton shpresonte që përkrahësit e saj do të ishin krenarë po të shoshin “Jam me të”.
E tani, kur gra në mbarë botën po marshojnë për të protestuar kundër ish-kundërshtarit të saj, tani presidentit Donald Trump, ajo po thotë se është me to.
Clinton, përmes llogarisë së saj në Twitter, shkroi dje në përkrahje të “Marshit të Grave”, duke përsëritur një prej porosive të saja më të qëndrueshme nga kandidatura presidenciale:
“Faleminderit që po u dilni në krah, po flisni e po marshoni për vlerat tona @womensmarch. Ka shumë rëndësi. Besoj fuqishëm se gjithmonë jemi Më të Fuqishme së Bashku”, ishte mesazhi i saj drejtuar turmave në mbarë botën, transmeton Koha.net.
Mbështetja e Clintonit për Marshin erdhi pas një proteste dramatike që i parapriu marshit. Organizatorët e kësaj ngjarje ngjallën debat pasi kishin lënë Clintonin jashtë listës së 27 femrave me ndihmën e së cilave “u shtrua rruga për ne që të marshojmë”.
Si kundërpërgjigje, përkrahësit e Clintonit nisën një peticion në Change.org si dhe një fushatë në Twitter me hashtagun #AddHerName (shtojeni emrin e saj).
