Aktivistët që mbrojtën Teatrin Kombëtar për një kohë të gjatë, kanë mbajtur një protestë-homazh sot në 1-vjetorin e shembjes së godinës simbol të Tiranës. Ata kanë vendosur lule dhe kanë ndezur qirinj në vendin ku ishte godina e Teatrit Kombëtar.
“Teatri Kombëtar, krim shtetëror i pandëshkuar nga drejtësia e kapur,” thuhet në banderolë.
Si sot, një vit më parë, dy ndërtesat e Teatrit Kombëtar dhe atij Eksperimental u shkatërruan plotësisht.
Në pak minuta ato larguan forcërisht dhjetëra qytetarë që kishin gjithë natën që qëndronin aty.
Disa qytetarë që kundërshtuan u shoqëruan për në komisariatet e policisë. Pas shembjes së Teatrit, qytetarët u përplasën me policinë gjatë gjithë ditës.
Më shumë se 1 mijë policë bashkiakë, forcat RENEA dhe Forca të Ndërhyrjes së Shpejtë rrethuan të gjithë perimetrin e ish-Teatrit Kombëtar dhe Ministrisë së Brendshme.
© SYRI.net
