Kandidati i koalicionit LDK-AKR-Alternativa, Avdullah Hoti ka zhvilluar një vizitë në fabrikën “Euro-Metal”, në fshatin Babush të Ferizajt.
Ai gjatë kësaj vizite ka premtuar se me ardhjen e tij në krye të qeverisë, do të ketë lehtësimë të mëdha për bizneset në vend.
“Ne kemi filluar me reformën e parë fiskale e cila ka gjeneruar 2 milionë euro qarkullim në buxhetin e Kosovës. Por ky është vetëm fillimi. Ne do të fillojmë me zbatimin e reformave të tjera fiskale duke pasur lirime për të gjitha lëndët e para që përdoren për biznese”, u shpreh Hoti.
Ai shtoi se do të punojë në funksionalizimin e zonave ekonomike në të gjitha qendrat e Kosovës.
