Këto janë pamjet nga aksidenti i rëndë mëngjesin e sotëm, ku një 35-vjeçari humbi kontrollin e makinës dhe ra në lumin Lanë.
Është dashur ndërhyrja e forcave zjarrfikëse për të shpëtuar të riun, që kishte ngecur brenda automjetit.
Zjarrfikëset kanë prerë makinën për të nxjerrë 35-vjeçarin me iniciale F. H., i cili ndodhet në spital nën kujdesin e mjekëve, ndërsa ende nuk dihet gjendja e tij.
Aksidenti ndodhi rreth orës 05:30, në afërsi të rrethit të Shkozës.
Njoftimi i policisë:
Tiranë/Informacion paraprak
Më datë 04.05.2024, rreth orës 05:30, në afërsi të rrethit të Shkozës, shtetasi F. H., 35 vjeç, duke drejtuar automjetin dyshohet se ka humbur kontrollin mbi drejtimin e tij dhe si pasojë automjeti ka dalë nga rruga, duke rënë në lumin Lana.
Drejtuesi i automjetit ndodhet në spital, nën kujdesin e mjekëve, ndërsa grupi hetimor po vijon punën për sqarimin e rrethanave të aksidentit.
