Në drejtim të kryediplomates së Kosovës, Donika Gërvallës ka pasur dje gjatë ditës disa reagime lidhur me një deklaratë që kjo e fundit e kishte bërë dikur për Gjykatën Speciale.
Gërvalla atë kohë kishte thënë se do të ndihmonte me materiale sapo të formohej Gjykata Speciale kundër, siç thoshte ajo, kokave të organizatës kriminale Hashim Thaci dhe Kadri Veseli.
Pas kritikave, ministres Gërvallëa i ka dal në mbrojtje deputeti i Listës ‘Guxo’, Haxhi Avdyli.
Deputeti Avdyli u shpreh se deklarata e kryediplomates së Kosovës është nxjerrë nga konteksti.
Meqë këtyre eksponentëve nuk po ia mban të gjejnë armik te bashkësia ndërkombëtare e liderët e atëhershëm politik që bënin luftë me partitë e tyre për miratimin e Gjykates Speciale, po tentohet të gjendet objektivi më i lehtë, një politikane të re femër, e cila çdo gjë la nga jeta saj në Gjermani për ti shërbyer Kosovës”, shkroi Avdyli në Facebook, përcjell “Bota sot”.
Postimi i plotë
Eksponentë të politikës e parapolitikës e shërbëtorë të pushteteve të kaluara , dje gjatë tërë ditës i bënë gjyqin publik, Zv KM dhe Ministres së PJ z.Donika Gërvalla, për një deklaratë të vjetër,të shkëputur, e nxjerrur nga konteksti dhe e thënë në rrethana krejt tjera. Ky gjyq publik më kujton regjimet e vjetra diktatoriale ku pasi identifikohej armiku popullit, dënohej pa gjyq që të diciplinoheshin masat popullore. Meqë këtyre eksponenteve nuk po ia mban të gjejnë armik te bashkësia ndërkombetare e liderët e atëhershem politik që bënin luftë me partitë e tyre për miratimin e gjykates speciale , po tentohet të gjindet objektivi me i lehtë një politikane të re femër, e cila çdo gjë la nga jeta saj në Gjermani për ti shërbyer Kosovës.Dhe ardhja saj ka ndodhur në vitin 2021 , jo në vitin 2015 kur u miratuan dhomat e specializuara. Kjo i bie që kur ske çka i bënë gomarit i bie samarit. Prandaj opinionit duhet ti servohet e vërteta , të gjitha veprimet e deklaratat e viteve 2014 e 2015 të liderëve tē atehershëm ,kur natë e ditë e arsyetonin formimin e Gjykatës speciale. Atëherë na thonin që Kosova rrezikohej nëse nuk formohet kjo gjykatë, se me të do pastrohet lufta e drejtë çlirimtare. Atëherë ,por jo tani, ata deputetë që svotuan Gjykatën speciale quheshin tradhëtarë, rrezikues të shtetësisë të Kosovës. Prandaj merruni me thelbin çështjes e ndodhur me 2015 e jo me deklaratat jashtë kontekstit kohor, me qëllim frikësimi e gjykimi publik, se kjo qasje është e padrejtë por edhe nuk iu shitet tash në vitin 2021. Drejtësia dhe e vërteta është një. Ska dy të vërteta edhe ajo e 2015 dhe kjo e 2021, por ka njerëz që manipulojnë me të vërtetën.
