Një i burgosur shqiptar 29-vjeçar, i dënuar me dënim të formës së prerë dhe përfundim të dënimit në vitin 2023, vrau veten mbrëmë në burgun e Salernos, duke u vetëvarur. Lajmin e ka dhënë Emilio Fattorello, sekretar për Campanian i Sindikatës Autonome të Policisë së burgut (Sappe).
Sapo kishte kaluar mesnata kur gardianët e burgut në detyrë gjatë një kontrolli, gjetën trupin e të burgosurit të varur në kangjellat e dritares së qelisë. Çdo përpjekje për reanimim ishte e kotë. 29-vjeccari ishte i vetëm në qeli dhe kjo e bëri më të lehtë të ndërmerrte aktin ekstrem.
Ngjarja ka lënë të tronditur të gjithë efektivët e policisë dhe të burgosurit.
