Nënkryetari dhe deputeti i Lëvizjes BESA, Zeqirija Ibrahimi, ka reaguar ndaj pohimeve të eksponentëve të BDI-së ku u tha se BESA i ka tërhequr nënshkrimet që i janë dhënë LSDM-së. BESA, gjithashtu u akuzua për “bashkëpunim opozitar” me VMRO-DPMNE-në, akuza të cilat Ibrahimi i cilëson si shpifje.
“Nuk habitem me atë që shpif dhe me atë parti që mblidhet për të diskutuar për shpifjet, sepse atyre shpifja iu ka bë traditë dhe program politik, por më habisin disa njerëz që më shumë kanë dëshirë të besojnë në shpifje sesa në diellin e zenitit.
P.S. Te ne ai që shpif vetëm një herë quhet shpifës dhe atij nuk i besohet asnjëherë më”, ka shkruar Zeqirija Ibrahimi në profilin e tij në rrjetin social Facebook.
