Inspektorati i Përgjithshëm ka prezantuar platformën e re digjitale SIGURT.gov.al, e cila synon të krijojë një kanal të drejtpërdrejtë komunikimi mes qytetarëve, bizneseve dhe institucioneve.
Përmes kësaj platforme, qytetarët do të kenë mundësi të raportojnë problematika me identifikim ose në mënyrë anonime, duke kontribuar në rritjen e transparencës dhe përmirësimin e shërbimeve publike.
Në SIGURT.gov.al, qytetarët mund të denoncojnë raste të ndryshme duke zgjedhur fushën përkatëse, duke përshkruar problemin, duke përcaktuar vendndodhjen dhe duke bashkëngjitur fotografi apo dokumente mbështetëse.
Procesi i raportimit kryhet në disa hapa:
Përzgjedhja e rubrikës “Ankimo/Denonco”;
Zgjedhja e fushës së raportimit;
Përshkrimi i problematikës dhe vendndodhjes;
Ngarkimi i dokumenteve ose fotografive;
Zgjedhja e raportimit me identifikim ose anonim;
Marrja e një kodi unik për të ndjekur online ecurinë e rastit.
Sipas Inspektoratit të Përgjithshëm, SIGURT.gov.al synon të shërbejë si një mjet për më shumë transparencë, informim dhe bashkëpunim mes qytetarëve dhe institucioneve.
The post Inspektorati i Përgjithshëm krijon platformën digjitale/ Qytetarët mund të raportojnë problematika online appeared first on Gazeta Shqiptare Online.
