Interpelanca ndaj kryetarit të Kuvendit Afrim Gashi duhet të shqyrtohet në seancën e sotme plenare. Interpelancën e ka dorëzuar grupi parlamentar i partisë E Majta dhe sipas njoftimeve mbështetje do të japë LSDM-ja opozitare, ndërsa VMRO-DPMNE dhe partneri i koalicionit “VLEN” nuk do të japin mbështetje.
Sipas pozicioneve aktuale të deputetëve, nuk ka gjasa që ajo të miratohet megjithatë partitë që e mbështesin atë, thonë se do t’i elaborojnë argumentet në seancë.
