Derisa Lëvizja BESA e ka barazuar rezultatin me BDI – në, sipas sondazhit të publikuar nga IRI, e njëjta gjë ka ndodhur edhe sa i përket rejtingut të liderëve të këtyre dy partive. Bilall Kasami dhe Ali Ahmeti janë dy liderët shqiptarë me rejtingun më të lartë, të dy me nga 5%.
Rejtingu i liderëve
Lideri i VMRO-DPMNE-së, Nikolla Gruevski, prej prillit të 2016 deri në marsin e 2017 ka pësuar rënie më të madhe, edhe atë për 5%, gjegjësisht nga 21% në 16%. Zoran Zaevi i LSDM-së prej prillit të 2016 deri në marsin e 2017 ka rritje për 1%, gjegjësisht prej 9% tani e ka 10%. Presidenti Gjorge Ivanov ka rejting vetëm 3%. Lideri i BDI-së, Ali Ahmeti ka rejting 5%, Bilall Kasami 5%, Ziadin Sela 3%, ndërkaq Menduh Thaçi 1%. 32% e të anketuarve nuk janë për asnjërin.
