Ish-kryetari i Parlamentit të Maqedonisë, Tito Petkovski theksoi se presidenti Gjorgje Ivanov është i obliguar që të nënshkruaj Ligjin për gjuhët, ndërsa më pas të lë Gjykatën Kushtetuese të vendos për kushtetutshmërinë e këtij ligji.
Nëse nuk e nënshkruan, Petkovski thotë atëherë shihen alternativa të tjera. Petkovski ka qenë kryetar Kuvendi në vitin 1997 kur ka nënshkruar Ligjin për simbolet e minoriteteve, pasi që presidenti i asaj kohe Kiro Gligorov ka qenë jashtë vendit.
Nëshkrimi në vend të Gligorovit, më pas është hedhur poshtë nga Gjykata Kushtetuese, duke e konsideruar si antikushtetuese veprimet që kishte ndërmarrë atëkohë Petkovski.
