Izraeli miraton një ligj kontrovers për vendbanimet në Bregun Perëndimor

Parlamenti i Izraelit ka miratuar një ligj kontrovers për legalizimin, në mënyrë retroaktive, të rreth 4,000 shtëpive të ndërtuara në vendbanimet në Bregun e pushtuar Perëndimor.

Ligji ka kaluar me 60 vota për dhe 52 kundër.

Ai thotë se pronarët e hershëm palestinezë të tokave do të kompensohen me para ose toka alternative.

I inkurajuar nga administrata e re amerikane, Izraeli, javëve të fundit, ka miratuar ndërtimin e mijëra shtëpive në tokat e pushtuara palestineze.

Mbi 600,000 hebrenj jetojnë në rreth 140 vendbanime të ndërtuara prejse Izraeli ka pushtuar Bregun Perëndimor dhe Jerusalemin Lindor më 1967.

Vendbanimet konsiderohen të paligjshme me ligjin ndërkombëtar, por Izraeli e mohon këtë.