Ambasadorja e re e Izraelit në Serbi Alona Fisher Kamm ka porositur se Izreali s’e ka ndryshuar qëndrimin për mosnjohjen e pavarësisë së Kosovës, transmeton Koha.net.
“Do ta them shumë qartë: Pozicioni ynë nuk ka ndryshuar e ai është mosnjohja e Kosovës”, ka thënë Fisher Kamm për gazetën “Blic” të Beogradit.
E pyetur nëse Serbia mund të mbajë marrëdhënie të mira sikur me Izraelin edhe me Moskën e Washingtonin, Kamm është përgjigjur: Ne kemi marrëdhënie të mira me Rusinë, Kinën, SHBA, Europën dhe me shumë shtete të tjera në botë.
Ajo në vazhdim ka thënë se do të përpiqet për shtimin e marrëdhënieve ekonomike Izrael- Serbi.
