Izraelitët, të cilët uzurpuan tokat palestineze, sulmuan palestinezët dhe pronat e tyre, si dhe një xhami në Bregun Perëndimor të pushtuar, transmeton Anadolu.
Siç raporton agjencia zyrtare palestineze e lajmeve WAFA, izraelitët, të cilët kanë uzurpuar tokat palestineze, kryen një sërë sulmesh në qytetet e Bregut Perëndimor, Betlehem, Ramallah dhe Nablus.
Izraelitët në fjalë sulmuan një xhami në afërsi të vendbanimit Beit Furik, në lindje të Nablusit dhe xhaminë Al-Wahid në fshatin Tana. Pranë qytezës Deir Dibvan, në lindje të Ramallahut, izraelitët, të cilët uzurpuan tokat palestineze, sulmuan një palestinez dhe ia morën automjetin.
Nga ana tjetër, ushtria izraelite bastisi pjesën lindore të Nablusit dhe vendosi postbllok ushtarak në hyrje të fshatit Abu Felah. Në Betlehem, në jug të Bregut Perëndimor, ushtarët izraelitë dhe izraelitë uzurpuan tokat palestineze, sulmuan shtëpitë palestineze dhe u arrestua një palestinez.
Mbi 450 mijë izraelitë në Bregun Perëndimor të pushtuar dhe afërsisht 230 mijë izraelitë në Kudsin Lindor po uzurpojnë tokat palestineze. Sipas ligjit ndërkombëtar, këto uzurpime në Bregun Perëndimor dhe Kudsin Lindor konsiderohen të paligjshme.
