Policia e Kosovës përmes një komunikate për media ka bërë të ditur se ka gjetur në Mitrovicë një veturë të vjedhur në Ferizaj, transmeton Koha.net.
“Sot në orët e paradites, rreth orës 09:35, në fshatin ‘Shupkovc’, në rrugën magjistrale Mitrovicë – Vushtrri, njësia e autokrimeve kanë vërejtur një automjet të dyshuar Golf 2, ku vozitësi i automjetit në fjalë me të vërejtur automjetin e policisë ka ndaluar automjetin, dhe ka filluar të ikë në drejtim të lumit ‘Sitnica’. Njësia e auto krimeve, ka arritur ta ndaloj personin S.S., 30 vjeçar, ku pas identifikimit të librezës se automjetit, i njëjti ka pranuar se automjetin në fjalë e ka vjedhur ditë më parë në Ferizaj”, thotë pk.
PK shton se gjatë veprimeve hetimore, është arritur të zbulohet se i dyshuari S.S., 30 vjeçar, është i përfshirë edhe në shtatë (7) raste tjera “vjedhje të automjeteve” në qytete të ndryshme të Kosovës, përfshirë këtu, Ferizaj, Prishtinë, Podujevë dhe Drenas, ku hetuesit rajonal kanë njoftuar njësitë relevante të rajoneve përkatëse për proceduara të mëtejme, dhe në bashkërendim të hetimeve është arritur të lokalizohen edhe katër (4) vetura të vjedhura për rastet në fjalë.
© KOHA
