Gazetar: Bashkim Sulejmani
Zjarri në bodrumin e komunës së Tetovës ka qenë i qëllimshëm. Kjo, sipas kreut të Komunës Bilall Kasami, është vërtetuar nga kamerat e sigurisë së komunës së Tetovës, shkruan Alsat.
Kasami tha se bëhet fjalë për një person, i cili nuk është shtetas i Maqedonisë së Veriut, përkatësisht nuk ka kurrfarë dokumentesh. Dyshimet e para janë se ai është shtetas i Kosovës.
“Patjetër që dyshojmë për qëllim këtu se bëhet fjalë për një person fantom pra pa dokumente që për një kohë të gjatë lëviz në rajon. Dyshohet se bëhet fjalë për një person që është nga Kosova dhe nuk ka aspak dokumente apo shtetësi të Maqedonisë. Ne dyshojmë që është profil i përshtatshëm për tu keqpërdorur për një akt të tillë sepse bëhet fjalë edhe për zjarrvënie të dokumenteve që janë të zgjedhjeve të fundit që janë dëmtuar”, tha Kasami.
Nga zjarri janë dëmtuar dokumente të shumta, kryesisht të zgjedhjeve të kaluara. Kasami thotë se nuk bëhet fjalë për akti të izoluar, por është tentim për krijimin e tensioneve.
“Pra këtu nuk është fajla vetëm për një akt të izoluar por me paramendim për dëme më të mëdha ëpr krijuar huti në opinion por edhe për të krijuar parakushte për atë që gjatë kohë paralajmëron opozita për krijuar tensione ndëretnike në tetovë. Unë dyshoj, dyshoj, pra duke pasur parasysh personin dhe profilin e tij, nuk mund ky person të bëj këtë akt dhe ë largohet pa lënë gjumë dhe që aspak nuk është gjetur. Sigurisht që është një paralajmërim për komunën por edhe objketet tjera të rrisin sigurinë. Apeloj gjithë ata që mendojnë se me veprime të këtilla mund të përfitojnë politikisht, ju them që komuna nuk është vetëm e një partie a por e gjithë qytetarëve të tetovës pa dallim e aq më pak politik”, u shpreh Kasami.
Ndërkohë Sektori i Punëve të Brendshme në Tetovë thotë se gjatë ditës bëhet inspektimi i vendit që u përfshi nga flakët.
“Ditë më parë, në SPB Tetovë është raportuar se në hapësirat e bodrumit të komunës së Tetovës ka shpërthyer zjarr. Nuk ka persona të lënduar, ndërsa zjarri është shuar nga ekipi i Njësitit Territorial Zjarrfikës Tetovë. Është njoftuar Prokurori Publik, ndërsa gjatë ditës do të bëhet inspektimi”, thonë nga SPB- Tetovë.
Përhapja e zjarrit në bodrumin e komunës së Tetovës fillimisht është vërejtur nga banorët e shtëpive për rreth, të cilët të parët kanë lajmëruar zjarrfikësit./ Alsat.mk
